Apocalypsis B. Joannis*
Caput 11: Versus 15
Et septimus angelus,etc. Sex tubae priores, saeculi praesentis aetatibus comparatae, varios bellorum Ecclesiae denuntiavere concursus; septima vero sabbati aeterni nuntia, victoriam tantum et imperium veri Regis indicat.Factum.Qui prius vilis erat et abjectus jam regnat, coronans bonos, et malos condemnans.Et regnabit.Id est permanebit regnum ipsius in sempiternum, non ut quidam haeretici putant sanctos post definitum tempus in mundi vitam redituros.